Da eus gester die dunkli Site von Bürgermeister ufzeigt worde esch händ mir hüt entschiede, dass mir nomol mit de Sprayergang reded demet sie eus chönd eri Standpünkt ufzeige.

Drum hämmer am Morge ganz viel über Bäum, Biene, Wolke, umweltbewusste Ernährung, Recycling und s schütze vo Schmätterling glernt. D Lili häd eus zudem über die ganze Intrige vom Gemeindeammann ufklärt und eus nomol richtig bewusst gmacht, dass er nöd de isch wofür mir en ghalte händ.

Ufgrund vo dem hämmer den beschlosse eus de Sprayergang azschlüsse und eus au gege de Gemeindeammann z wehre.

Am Mittag sind den no es paar Mitglieder vo de Sprayergang meh under eus gsi und händ eus no cooli Sache glernt wie zum Bispiel: Liechtgläser, fancy Haarbänderli und wie mer professionelli Graffiti sprayt. Zudem händ alli no eres neue Lager T-shirt übercho und dörfe besticke.

Am Obig händ mer eus alli mit eusne dräck Chleider troffe und förd Sprayergang um neui Spraydose kämpft demit sie mit erem Engagement witer fahre chönd. Gsafed durch eusi Schutzahzüg händ mir voller Körperisatz alles agmolt wo sich eus in Wäg gstellt häd. So händ mir euse Erfolg mit ere Farbschlacht gfiirt.

Us eusem tüffe Schlof sind mir entrisse worde und händ müsse a eusi Abschlussprüefig atrette. Das häd gheisse zämme mit de Gang zmitzt im Dorf go Spraye!