Da d Sprayergang ide Nacht vo es paar Leiter gsichtet wurde isch, hämmer eus nachem Morgeyoga ufd Suechi gmacht. Mir sind de Farbspure vo de Sprayergang gfolget und händ den am Ändi vode Wanderig Spraydose gfunde. Unterwägs hämmer e sehr idrücklichi Schlucht gseh. Bevor mir mit de Susi fürs Fäst dekoriert händ, simmer vo de Chuchi mit Grillade verwöhnt wurde. De Gmeindamme häts Fäst mitere Ahsprach eröffnet. Spöter isch d Sprayergang no uftaucht und het ihre Standpunkt erklärt und die dunkli Site vom Gmeindamme ufdeckt. Am Indoor-Lagerfüür hämmer gsunge, tanzt und gfästet.D Schoggibanane sind de Wahnsinn gsi und de Obig isch mitere Zahputzparty z Änd gange.