Höt am Morge hemmer Schwiizer Sportarte nöcher känneglehrt, mer send jetzt alli Pros em Schwinge, Curling, Fahneschwinge, Skiränne fahre ond na vell meh. Das alles hemmer gmacht, zom för de Gmeindamme Peter Zraggen am Tsischtig e tolli 1. Augustfiir chönne uf d Bäi z stelle. Nach em Zmittag esch denn de Kusi, de Gmeindsarbeiter, verbicho. Er hed eus gseit, dass mer na es paar Boute för d 1. Augustfiir müend chönne ufstelle, drom hemmer das am Nachmittag güebt ond Zält, ond Hängemattene ufgstellt. Osserdem hemmer glehrt, wie mer es tolls 1. Augustfüür met gringem Schade för d Natur chönnd uf d Bäi stelle. De Obig hemmer denn e eusne Gruppestond-Gruppene verbrocht. Det hemmer onder anderem Würst ond Marshmallows brötlet, send go Minigölfle, hennd en Spaghettiplausch gnosse ond hennd eus gegesiitig e Fröndebüecher verewiget. Zom Abschluss hemmer es feins Schoggimousse vo eusere tolli Chuchi dörfe gnüsse, bevor alli müend ond glücklich is Bett gheit sind.