Am Morge hemmer grosse Brunch gesse
Zum die churzi Nacht wieder vergesse
Nocher hemmer es Level-Game gmacht
Das hed eus neus Wüsse bracht
I jedem Zimmer heds Ufgabe geh
Alli Gruppe chönnd die Verantwortig überneh
Si hend die Ufgabe sehr guet gmeistered
Und demit de Gmeindamme begeistered
Zum wüsse wies isch mit Handicap z lebe
Hemmer en Postelauf gmacht zum das erlebe
Blind, taub oder uf eim Bei
All das meisteremer nöd allei
Spöter hemmer Burge baut
Nagle und schrube hend sich alli traut
Nachdem die Burge gstande sind
Hemmer Burgeball gmacht mit allne Chind